گەشتە ئاسمانییەکانی نێوان ئێران و وڵاتانی ئەوروپا دەستپێدەکاتەوە

ئاڤا نیوز

 

دوای سێ مانگ لە ڕاگیرانیان بەهۆی سزاکانەوە، دووبارە گەشتە ئاسمانییەکانی نێوان ئێران و وڵاتانی ئەوروپا دەستپێدەکاتەوە.

 

وێنە گەورەکە: دوای سێ مانگ لە وەستانی  گەشتەکانی هێڵی ئاسمانی ئێران بۆ ئەوروپا، بەهۆی سزا سەپێنراوەکانی یەکێتیی ئەوروپاوە، دووبارە گەشتە ئاسمانییەکان دەستپێدەکەنەوە و وادەی یەکەم گەشتیش دیاریکرا.

 

ڕاگەیێنراوی فەرمی: حوسێن پورفەرزانا، سەرۆکی ڕێکخراوی فڕۆکەوانی ئێران ڕایگەیاند،'' دووبارە دەست بە گەشتە ئاسمانییەکانی ئێران بۆ ئەوروپا دەکرێتەوە و یەکەم گەشتیش لە تارانەوە بۆ پاریس دەبێت.''

 

زانیاریی بەدەستهاتوو: بەگوێرەی زانیارییەکان 31-1-2025 گەشتە ئاسمانییەکان دەستپێدەکەنەوە.

 

باکگراوند: دوای ئەوەی لە 14ـی ئۆکتۆبەری ساڵی 2024 یەکێتیی ئەوروپا کۆمەڵە سزایەکی بەسەر هەندێک لایەنی ئێرانیدا سەپاند، لەنێویاندا هێڵی ئاسمانی ئەو وڵاتە ئەمەش بەهۆی هەبوونی گومان لە گواستنەوەی کەرەستەی سەربازیی بۆ ڕووسیا.