بایدن داوا لە ترەمپ دەکات ڕێگری لە سەرهەڵدانەوەی داعش بکات

ئاڤا نیوز

 

 جۆ بایدن، سەرۆکی ئەمریکا داوا لە دۆناڵد ترەمپ دەکات لەگەڵ دەستپێکی دەستەبەکاربوونی وەک سەرۆکی نوێی ئەمریکا ڕێگری لە سەرهەڵدانەوەی داعش لە سووریا و ناوچەکە بکات.

 

وێنە گەورەکە: جۆ بایدن، سەرۆکی ئەمریکا لە وتاری ماڵئاوایی دوای نزیکبوونەوەی ماوەی دەستبەکاربوونی دۆناڵد ترەمپ چەند داوایەکی سەبارەت بە دۆخی سووریا و ناوچەکە پێشکەش کرد.

 

لێدوانی فەرمی: جۆ بایدن، سەرۆکی ئەمریکا لە وتارێکدا لە وەزارەتی دەرەوەی ئەمریکا ڕایگەیاند: داوا لە ئیدارەی داهاتووی ئەمریکا دەکەم کە ڕێگری لە سەرهەڵدانەوەی داعش لە سووریا لە دوای کۆتاییهاتنی دەسەڵاتی بەشار ئەسەد، بکەن.

 

ئەوەی پێویستە بیزانیت: سەرەڕای ڕاگەیاندنی شکستپێهێنانی داعش لە عێراق و سووریا، بەڵام ئێستا لەدوای کۆتاییهاتنی دەسەڵاتی بەشار ئەسەد وڵاتانی ڕۆژئاوا ترسیان لە سەر‌هەڵدانەوەی ئەو گرووپانەیان هەیە.

 

زانیاریی زیاتر: لە ساڵی 2015 لەدوای داگیرکردنی ڕووبەرێكی فراوانی خاکی سووریا لە لایەن داعشەوە، ئەمریکا نزیکەی دوو هەزار سەربازی ڕەوانەی ئەو وڵاتە کرد بۆ کەمکردنەوەی هەڕەشەکانی ئەو گرووپە.