هونەرمەند و تیکتۆکچی بۆ ناو خانەی منداڵان قەدەغە دەکرێت

ئاڤا نیوز

 

لە نوێترین بڕیاریدا، وەزارەتی کار و کاروباری کۆمەڵایەتیی هونەرمەند و كەسانی ناو سۆشیال میدیا بۆ ناو خانەكان بەمەبەستی خۆدەرخستن قەدەغە دەکات.

وێنە گەورەکە: ئەمڕۆ چوارشەممە 15-1-2025، وەزرارەتی کار و کاروباری کۆمەڵایەتیی لە نووسراوێکدا کە واژۆی كوێستان محەممەد، وەزیری كار و كاروباری كۆمەڵایەتی لەسەرە، چوونی هونەرمەند و تیکتۆکچی و سناپچییەكان و كەسانی ناو سۆشیال میدیا بە گشتی بۆ خانەی منداڵان قەدەغە كرا.

 

نووسراوی فەرمی: لەنووسراوەکەی وەزارەتی کار و کاروباری کۆمەڵایەتیدا هاتووە:

 

- بەهیچ شێوەیەك ڕێگە نادرێت منداڵی ناو خانەكان لە میدیاكاندا پێشان بدرێت، رێگەش بە هیچ هونەرمەند و ڕۆژنامەنووس و كەسانی ناو سۆشیال میدیا نادرێت بەمەبەستی ڕێكلام و بانگەشە لەناو خانەكان ڤیدیۆ بگرێت و بڵاوی بكاتەوە، هەر كەسێك سەرپێچیی ئەو بڕیارە بكات، تووشی لێپرسینەوەی یاسایی دەبێت.

 

- لە بەشێكی بڕیارەكەدا ئاماژە بەوە دراوە، بەهیچ شێوەیەك نابێت كەیسی خانەی بەساڵاچووان لەلایەن كەناڵەكانی ڕاگەیاندن پێشان بدرێت، تەنیا بە خواستی خۆی و پەنجەمۆری ئەو بەساڵاچووە نەبێت، هاوكات بۆ چاكسازییەكان كۆمەڵێك بڕیاری تر هەیە كە نابێت كەسی سزادراو لە كەناڵەكانی ڕاگەیاندن پێشان بدرێت.

 

بۆچی گرنگە: وێنە گرتنی منداڵ لەناو خانەکان کاریگەری نەرێنی لەسەر داهاتووی منداڵ دروست دەکات، لە کۆمەڵگە بە چاوێکی دیکە سەیر دەکرێت، ئەمەش دەبێتە هۆی ئەوەی زۆرجار لە کۆمەڵگە قبوڵ نەکرێت و کەسایەتی دابڕا و توندوتیژی لێ دەربچێت.