پردی تووەقوت لە هەڵەبجە دەچێتە بواری جێبەجێکردن

ئاڤا نیوز

 

دوای سەردانەکەی سەرۆکوەزیران بارزانی بۆ پارێزگای هەڵەبجە و دانانی بەردی بناغەی پردی هەڵەبجە - تووەقوت - قلیجە، پرۆژەکە دەچێتە بواری جێبەجێکردنەوە.

 

لێدوانی فەرمی: نوخشە ناسح، قائیمقامی هەڵەبجە بە ئاڤا نیوزی گوت: پرۆژەکە زیاتر لە 31 ملیار دیناری تێدەچێت و لە ماوەی دوو ساڵدا تەواو دەکرێت. پردەکە بۆ ئاسانکاریی بازرگانی و جووڵەی ئابووری ڕۆڵێکی گرنگ دەگێڕێت.

 

زانیاریی زیاتر: پرۆژەکە ستراتیژییە و پارێزگای هەڵەبجە بە ئیدارەی سەربەخۆی گەرمیان دەبەستێتەوە و ڕێگەکەیان کورت دەکاتەوە.

 

ژمارەکان وادەڵێن: پردەکە 300 بۆ 350 مەتر دەبێت و 27 کیلۆمەتری ڕێگەکە قیرتاو دەکرێت؛ لەلایەن دوو کۆمپانیای ناوخۆییەوە جێبەجێ دەکرێ و ئێستا چووەتە قۆناغی جێبەجێکردن.