خولێك بۆ پاراستنی مافی ئافرەتان لە شوێنی كار دەكرێتەوە

ئاڤا نیوز

لە شاری هەولێر كەموكوڕی و بۆشاییەكانی یاسای كار خرایەڕوو، بەتایبەت لە پرسی ڕەچاوكردنی مافەكانی ئافرەت لە شوێنی كاركردندا.

وێنە گەورەكە: ئەنجوومەنی دادوەریی هەرێمی كوردستان، بە هەماهەنگی لەگەڵ ڕێكخراوی یەكترقبووڵكردن (AOO) و بە ئامادەبوونی نوێنەری دادگای كار لە دادگای تێهەڵچوونەوەی ناوچەی هەولێر، خولێكی بەناونیشانی 'مافەكانی ئافرەت لە یاسای كاری هەرێمی كوردستان' بۆ یاساناس و پارێزەر و نوێنەری ژمارەیەك ڕێكخراوی داكۆكیكار لە مافی ئافرەتان كردەوە، تێیدا بە وردی باس لە یاسای كار لە هەرێمی كوردستان كرا و كەموكوڕی و بۆشاییەكانی نێو یاساكە تاوتوێ كران.

ڕاگەیێنراوی فەرمی: ئەنجوومەنی دادوەریی هەرێمی كوردستان ڕایگەیاندووە، وانەكانی خولەكە لەلایەن دادوەر ئاڤان موحسین، دادوەری دادگای كار پێشكەش كرا كە سەرنج خرایە سەر گرنگترین ئەو گۆڕانكاری و هەموارانەی كە پێویستە لە یاسای كاردا بكرێن بۆ زیاتر گەرەنتیكردنی مافی كرێكاران، بەتایبەتیش پاراستنی مافی ئافرەتان.

زانیاریی زیاتر: بەشداربووانی خولەكە لە گفتوگۆیەكی كراوەدا سەرنج و پێشنیازەكانی خۆیان خستەڕوو بۆ هەمواركردنەوەی یاسای كار لە هەرێمی كوردستان و جێكردنەوەی دەستەبەری كۆمەڵایەتی لەنێو یاساكەدا.