سەنتەری میترۆ: لە 2024 پێشێلکارییەکان بەرامبەر ڕۆژنامەنووسان کەمبوونەتەوە

ئاڤا نیوز

لە ساڵی ڕابردوو 182 پێشێلکاری بەرامبەر 176 رۆژنامەنووسان و دامەزراوەی میدیایی لە هەرێمی کوردستان تۆمارکراون، بەراورد بە  ساڵی 2023 پێشلکارییەکان لە 22٪ کەمیان کردووە.

وێنەگەورەکە: سەنتەری میترۆ راپۆرتی ساڵی 2024ـی دۆخی ئازادیی کاری ڕۆژنامەوانی لە هەرێمی کوردستان لەژێر ناوی "یاسا بۆ ئەرشیڤ نییە؛ یاساکانمان گۆڕین، بەڵام جێبەجێکردنیان سەنگی مەحەکە" بڵاوکردەوە.

لێدوانی فەرمی: سیڤان ئازاد ئەندامی سەنتەری میترۆ بۆ داکۆکیکردن لە ڕۆژنامەنوسان لە کۆنگرەیەکی ڕۆژنامەوانی دا گوتی: لە ساڵی 2024 پێشێلکارییەکان 22٪ کەمبوونەتەوە بەراورد بە ساڵی 2023 کە لەو ساڵە 231 پێشێلکاری لەلایەن ئەو سەنتەرەوە تۆمارکرابوون. 

 

هەر بەپێی راپۆرتەکە، 103 رێگری لە رۆژنامەنووسان تۆمارکراوە، 24 دەستبەسەرکردنی بەبێ بڕیاری دادگە، شەش هێرشی ئەلیکترۆنی، 17 دەستبەسەر داگرتنی کەلوپەل و دوو شکاندنی کەلوپەلی رۆژنامەنووسان تۆمارکراون.