ترەمپ گەیشتە واشنتن و سبەی وەک سەرۆکی ئەمریکا دەستبەکار دەبێت

ئاڤا نیوز

 

دۆناڵد ترەمپ، سەرۆکی هەڵبژێردراوی ئەمریکا گەیشتە واشنتنی پایتەخت و سبەی دووشەممە 20-1-2025  لەڕێوڕەسمێکدا وەک 47ـین سەرۆکی ویلایەتە یەکگرتووەکانی ئەمریکا دەستبەکاردەبێت. 

 

زانیاریی بەدەستهاتوو: ئەمڕۆ یەکشەممە ترەمپ بەشداری کۆبوونەوەیەکی بەرفراوانی لایەنگرانی دەکات لە ناوەڕاستی واشنتن و سبەی دووشەممە سوێندی یاسایی دەخوات، هاوکات بڕیارە وتاری دەستبەکاربوونی لە ناو بینای کۆنگرێس پێشکەش بکات.

 

ئەوەی لە بارەیەوە دەگوترێت: بەپێی لێژنەی هاوبەشی کۆنگرێس تایبەت بە ئاهەنگی دەستبەکاربوونی سەرۆک، 220 هەزار بلیت دابەشکراون بۆ بەشدارییکردن لە مەراسیمی دەستبەکاربوونی ترەمپ، بەڵام بەهۆی زۆری ڕێژەی بەشداربوون دابەشکردنی بلیتەکان ڕاگیراون. 

 

باکگراوند: دۆناڵد جەی ترەمپ تەمەن 78 ساڵ لە دایکبووی ساڵی 1946، یەکێکە لە سه‌رمایه‌دارەکانی ئه‌مریكا،  له‌ هه‌ڵبژاردنی 2016ـی سه‌رۆكاییەتی ئەمریکادا توانی بەسەر هیلاری کلینتۆندا سەربکەوێت،  بۆ ساڵی 2024 توانی بەسەر کامالا هاریسدا سەرکەوێت و ببێت بە 47ـەمین سەرۆکی ئەمریکا.