نزیکەی 40 داربەڕوو لە سنووری سلێمانی دەبڕدرێنەوە

ئاڤا نیوز

 

لە سنووری مێرگەپان نزیکەی 40 دار بەڕوو لەلایەن سەرپێچیکاران بڕاونەتەوە،  بەڕێوەبەرایەتیی پۆلیسی دارستان و ژینگەی پارێزگای سلێمانییش دەڵێت، لێکۆڵینەوە بۆ دەستگیرکردنی تۆمەتباران دەستیپێکردووە.

 

ڕاگەیێنراوی فەرمی: بەڕێوەبەرایەتیی پۆلیسی دارستان و ژینگەی پارێزگای سلێمانی ڕایگەیاند: دوای گەڕانی مەفرەزەیەكی بنکەی پۆلیسی دارستانی مێرگەپان، دەرکەوت نزیکەی 40 داربەڕوو لە سنوورەکە لەلایەن سەرپێچیکارانەوە بڕاونەتەوە، لە شوێنی دیاریکراویش کەسی تۆمەتباری لێ نەبووە و هیچ کەسێك دەستگیر نەکراوە، هاوکات لێکۆڵینەوە بۆ دۆزینەوەی تۆمەتباران دەستیپێکردووە.

 

لەلایەکی دیکەوە: لە سنوورى ناحیەى بەرزنجەى سەر بە قەزاى سەید سادق، مەفرەزەکانى پۆلیس توانیان هاووڵاتىیەک بە تۆمەتى داربڕین دەستگیر بکەن،  هاوکات ئۆتۆمبێلێک و مشارێکی داربڕینیش دەستیان بەسەرداگیرا.

 

ئەمەش بزانە: لەلایەن مەفرەزەکانی بنکەی پلیسی دارستانی ناڵپارێز، لە سنوورى گوندى کۆڵیتان سێ کورەى خەڵوز تێکدراون.