میدیای ئیسرائیل: ئیسرائیل 42 ملیار دۆلاری لە شەری غەززە خەرج کردووە

ئاڤا نیوز

 میدیای ئیسرائیل ڕایدەگەیێنێ، لەسەرەتای دەستپێکردنی هێرشەکانی سوپای وڵاتەکەی بۆ سەر کەرتی غەززە، تێچووی ئەو شەڕە لەسەر حکومەتی ئیسرائیل بە نزیکەیی بە 42 ملیار دۆلار مەزەندە دەکرێت.

 

بڵاوکراوەی فەرمی: ماڵپەڕی 'کالکالیست'ـی ئیسرائیلی بڵاویکردووەتەوە، لە ماوەی 15 مانگ لەبەردەوامی هێرشەکانی ئیسرائیل بۆ سەر کەرتی غەززە تێچووی شەرەکە بۆ ئیسرائیل ملیاران دۆلارە. ڕۆژنامەکە شەڕی نێوان ئیسرائیل و حەماس کە لە 7ـی ئۆکتۆبەری ساڵی 2023 دەستیپێکرد بە درێژترین و خوێناویترین شەر بۆ ئیسرائیل ناو دەبات.

 

لەلایەکی دیکەوە: ماڵپەرەکە ئاشکرایکرد، جگە لە زیانی ماددی لە هێرشەکانی ئیسرائیل بۆ سەر کەرتی غەززە، 840  سەربازی ئیسرائیلی کوژراون 14 هەزار سەربازی دیکەش برینداربوون. 

 

زانیاریی زیاتر: ئەم تێچووە کڕینی چەک و مووچەی سەربازەکانی ئیسرائیل هاوکات وەرگرتنی سەربازی زیاتر و خەرجی مەشق و ڕاهێنانەکانیان دەگرێتەوە.