ئەندامێکی هاوپەیمانی عەزم لە هێرشێکی چەکداریدا کوژرا

ئاڤا نیوز

 

میدیا عێراقییەکان بڵاویانکردووەتەوە کە شەوی ڕابردوو لە ناوچەیەکی سنووری قەزای سامەڕا، ئەندامێکی هاوپەیمانی عەزم لە هێرشێکی چەکداریدا کوژرا و تاوەکو ئێستا هۆکارەکەی نەزانراوە.

 

چیرۆکی سەرەکی: لەیس عەباسی، ئەندامێکی هاوپەیمانیی عەزمی سوننەکانە، درەنگانی شەوی  ڕابردوو لە ناوچەی جبرییە کە دەکەوێتە ناوەڕاستی سنووری قەزای سامەڕا لە پارێزگای سەڵاحەددین، کوژراوە تاوەکو ئێستا هۆکارەکەی نەزانراوە و هاوپەیمانی عەزم هیچ زانیارییەکی لەوبارەیەوە بڵاونەکردووەتەوە.

 

زانیاریی زیاتر: هێرشكاران نەناسراون و تەرمی كوژراوەكەش ڕادەستی پزیشكیی دادی كراوە و لێكۆڵینەوە لە ڕووداوەکە دەستی پێكردووە.