هونەرمەندێكی كورد بە ژیری دەستکرد كلیپێك بەرهەم دەهێنێت

 

ئاڤا نیوز

گۆرانیبێژی دەنگخۆشی كورد سامان بەكر، بۆ یەكەمجار لە ڤیدیۆ كلیپێكدا شێوازی ژیری دەستکرد بەكاردەهێنێت.

وێنە گەورەكە: لەماوەی ڕابردوودا هونەرمەند سامان بەكر لەنوێترین بەرهەمیدا لە ساڵی 2025 لەشێوەی (دووێت) بڵاوكردەوە بەشێوەیەكی جیاواز لەگەڵ هونەرمەندی گەورەی كورد ناسری ڕەزازی وتوویەتی بە ناوی 'دێوانە خۆم' و ڤیدیۆ كلیپی بۆ ئەنجامداوە و بەشێوازێكی جیاواز ژیەی دەستکردی تێدا بەكارهاتووە.

لێدوانی فەرمی: هونەرمەند سامان بەكر، لەمیانی بەشداریكردنی لە بەرنامەی كولتوور لە نەرویجەوە لەبارەی بەرهەمەكەی ڕایگەیاند، بەكارهێنانی ژیری دەستکرد لە ڤیدیۆ كلیپەكەدا بیرۆكەی خودی هونەرمەند ناسری ڕەزازی بوو، ئاواز و هۆنراوەی گۆرانیەكەش هەر هی هونەرمەند ناسری ڕەزازیە. ئەكرەم ڕەسول كاری ڤیدۆ كلیپەكەی بۆ كردووە.

زانیاریی زیاتر: لە ڤیدیۆ كلیپەكە چەند هونەرمەندێكی دێرینی كورد بەشێوەی ژیری دەستکرد لە تابلۆكانەوە دەجووڵێن، هاوكات ناسر ڕەزازی لە چەند تەمەنێكی جیاواز دەبینرێت و وێنەكانی دەجووڵێن.

لە گۆشەیەكی دیكە: هونەرمەند سامان بەكر باس لەوە دەكات، جگە لە پەیوەندیی دۆستایەتی و هاوپیشەیی، پەیوەندییەكی كۆمەڵایەتیی پتەوی لەگەڵ هونەرمەند ناسر رەزازی هەیە و لە سەردەمی خەباتدا ناسر رەزازی لەگەڵ باوكی بەیەكەوە پێشمەرگە بوون. ئەویش هەر لە منداڵییەوە دەیناسێت و هەر ئەو ناسینەش كاریگەری لەسەری هەبووە كە ببێت بە هونەرمەند.