لە تورکیا باڵەخایەک ئاگری گرت و بەهۆیەوە 10 کەس گیانیان لەدەستدا

ئاڤا نیوز

 

بەرەبەیانی ئەمڕۆ، یەکێک لە هۆتێلەکانی سەنتەری کایاک لە ناوچەیەکی گەشتیاریی یاری خلیسکێنەی سەر بەفری کارتاڵکەی شاری بۆڵوی تورکیا ئاگر کەوتەوە و بەهۆیەوە 10 کەس گیانی لەدەستدا و 31ی دیکەیش برینداربوون.

 

چیرۆکی سەرەکی: ئاگر لە نهۆمی چوارەمی ئەو هۆتێلەی کارتاڵکەی شاری بۆڵوی تورکیا کەوتووەتەوە و بەهۆی بەفربارینیشەوە تیمەکانی فریاگوزاری و بەرگری شارستانی سەختتر دەتوانن بگەنە شوێنی ڕووداوە و ئێستا لێکۆڵینەوە لە هۆکاری ئاگر کەوتنەوەکە دەستیپێکردووە. 

 

زانیاریی زیاتر: بەگوێرەی زانیارییە سەرەتاییەکانی دەسەڵاتدارانی ناوچەکە، تا ئێستا 10 کەس گیانیان لەدەستداوە و 31ی دیکەش بریندرابوون.

 

ڕاگەیێنراوی فەرمی: عەلی یاریلکایە، وەزیری ناوخۆی تورکیا ڕایگەیاند، سەرجەم تیمەکانمان لە شوێنی ڕووداوەکەن و ئاگرەکە کۆنترۆڵکراوە و لێکۆڵینەوە بۆ هۆکاری کەوتنەوەی ئاگرەکە دەکەین.

 

ئەوەی پێویستە بیزانیت: سەنتەری کەیاک لە کارتاڵکایە، ناوچەیەکی گەشتیاریی یاری خلیسکێنەی سەر بەفرە و خەڵکێکی زۆر بۆ خلیسکێنەی سەر بەفر لە وەرزی بەفربارین سەردانی دەکەن.