دادگەی کارگێڕی سکاڵایەکی پەیوەست بە کەرکووک یەکلادەکاتەوە

 

ئاڤا نیوز

بۆ یەکلاکردنەوەی سکاڵایەک دژی پێکهێنانی حکومەتی خۆجێی کەرکووک، دادگەی كارگێڕی عێراق بۆ جاری شەشەم کۆدەبێتەوە. 

 

چیرۆكی سه‌ره‌كی: نزیکەی پێنج مانگە حەوت ئەندامی ئەنجوومەنی پارێزگای کەرکووک لە فراکسیۆنەکانی پارتی، تورکمان و پێکهاتەی عەرەبی دژی شێوازی پێکهێنانی حکومەتی خۆجێی پارێزگاکەیان بەشداری دانیشتنەکانی ئەنجوومەنەکە ناکەن، لە دادگاش سکاڵایان تۆمارکردووە و باوەڕیان وایە حکومەتی کەرکووک یاسایی نییە.

زانیاری بەدەستهاتوو: سەرچاوەیەک لەپارێزگای کەرکووک ڕاگەیاند :

- سبەی چوارشەممە 2025-1-22 دادگەی کارگێڕی لە ئەنجوومەنی باڵای دادوەری تاوتوێی شەرعیەتی ئیدارە و ئەنجوومەنی پارێزگای کەرکوک دەکات .

- دانیشتنی ئەم جارەی دادگەی کارگێڕی یەکلاکەرەوە دەبێت بە مەبەستی کۆتاییهێنان بەو مشتومڕەی کە نزیکەی پێنج مانگە بەردەوامە .

باکگراوند: ڕۆژی 2024-8-10، یەکێتی بە ئامادەبوونی ئەندامێکی کوتلەی بابلیۆن و سێ ئەندامی عەرەبی کۆبوونەوەیەکی لە هۆتێل ڕەشید ڕێکخست و حکومەتی خۆجێی کەرکووکی پێکهێنا .