بەهۆی تەقینەوەیەک لە بەغدا سێ کەس کوژران

ئاڤا نیوز

 

بەهۆی تەقینەوەی کۆگایەکی تەقەمەنی لە ناحیەی تارمیەی بەغدا، سێ کارمەندی هێزەکانی ئاسایشی نیشتمانی و سوپای عێراق گیانیان لەدەستدا هاوکات چوار چەکداری دیکەش برینداربوون.

 
زانیاریی بەدەستهاتوو: سەرچاوەیەکی ئەمنی بە ئاڤا میدیای ڕاگەیاند: بەهۆی هەڵەیەکی تەکنیکییەوە پاشماوەی تەقەمەنی چەکدارانی داعش بەڕووی هێزەی ئەمنییەکان دەتەقێتەوە و دەبێتە هۆی گیان لەدەستدانی ژمارەیەک سەرباز.

 

هەر بەگوێرەیی زانیاریی سەرچاوەکە، ڕووداوەکە لە کاتی ئەنجامدانی ئەرکێکی هاوبەشی دەزگای ئاسایشی نیشتمانی و لیوای 23ی پیادەی سوپا بووە لە قەزی تارمیە لە پارێزگای بەغدا.

 

ڕاگەیێنراوی فەرمی: فەرماندەیی ئۆپەراسیۆنە هاوبەشەکانی عێراق لە بەیاننامەیەکدا ڕایگەیاند: بەهۆی تەقینەوەکە سێ چەکداری ئاسایشی نیشتمانی و سوپا گیانیان لەدەستداوە و چواری دیکەش برینداربوون، ئێستا ئەنجوومەنێک بۆ لێکۆڵینەوە لە ڕووداوەکە پێکهێنراوە.