گەنجینەی ئەمریکا بۆ سەرۆکوەزیران بارزانی: پشتیوانی چاکسازییەکانی سیستەمی دارایین

ئاڤا نیوز

ئەمڕۆ هەینی 3/1 ، لە چوارچێوەی سەردانەکەیدا بۆ واشنتن ، سەرۆکوەزیران بارزانی لەگەڵ براین نیلسن بریکاری وەزیری گەنجینەی ئەمریکا بۆ کاروباری پەیوەندیدار بە تیرۆر و هەواڵگری دارایی کۆبووەوە.

بابەتی ستراتیژی: لە کۆبوونەوەکەدا بیروڕا لەبارەی پەرەپێدانی پەیوەندیی دوولایەنە و پشتیوانیکردنی چاکسازییەکانی کابینەی نۆیەم لە بوارەکانی سیستەمی دارایی و کەرتی بانک و پڕۆژەی ( هەژماری من ) و بەدیجیتاڵکردنی خزمەتگوازییە گشتییەکان ئاڵوگۆڕ کرد.

بۆچی گرنگە: سەرۆکوەزیران بارزانی سێ ڕۆژە بە سەردانێکی فەرمی لە واشنتنە و چەندین کۆبوونەوەی گرنگی لەگەڵ سیناتۆر و بەرپرسانی باڵای ئەمریکا کردووە، لە کۆبوونەوەکاندا پاڵپشتی بەهێز بۆ هەرێمی کوردستان ڕاگەیێنراون.