شەقامە سەرەکییە کۆنەکانی کەرکووک وەک بەربەستێک لە بەردەم پێشکەوتنی شارەکەدا وەستاون

ئاڤا نیوز

شەقامە سەرەکییەکانی شاری کەرکووک، کە زۆربەیان لە سەردەمێکی کۆندا دروستکراون، ئەمڕۆ وەک بەربەستێک لە بەردەم پێشکەوتنی شارەکەدا وەستاون. ئەم ڕێگایانە کە ڕۆژگارێک بۆ عارەبانە و ئەسپ دیزاین کرابوون، ئێستا ناتوانن وەڵامدەرەوەی پێداویستییەکانی سەردەمی ئۆتۆمبێل بن.

 

هۆکارە زانراوەکان: کەمی پانتایی شەقامەکان کێشەی سەرەکین لە دروستبوونی جەنجاڵی لە شارەکە، زۆرینەی ئەو شەقامانەش بەهۆی بوونی شوێنەوار و موڵکی کەسییەوە، ناتوانرێت پانتاییان زیاد بکرێت.

 

لەلایەکی دیکە: کێشەکە تەنها لە تەسکی شەقامەکاندا کورت نابێتەوە. ئەمە نیشانەی قەیرانێکی قووڵترە و کە لە نەبوونی دووربینی لە پلاندا خۆی دەبینێتەوە، ترسەکە بۆ ئيستا نییە، ئایندە شەقامی فراوانتر و پانتایی زیاتری دەوێت کە وەڵامدارەوەی زۆربوونی ئۆتۆمبێل و زیادبوونی ژمارەی دانیشتووان بێت.