وەزیری دەرەوەی ئەمریکا: پابەندین بەو بەڵێنانەی ترەمپ داویەتی

ئاڤا نیوز 

 

مارکۆ ڕوبیۆ سوێندی یاسایی خوارد و وەک وەزیری دەرەوەی ئەمریکا دەستبەکاربوو، ئەمەش دوای ئەوەی دۆناڵد ترەمپ بۆ ئەو پۆستە دەستنیشانی کرد.

 

وێنە گەورەکە: لە میانی مەراسیمی دەستبەکاربوونی دۆناڵد ترەمپ سەرۆکی ئەمریکا بەڵێنیدا جەنگ لە نێوان ئۆکراینا و ڕووسیا کۆتایی پێبهێنێت و ئاشتی بگەڕێنێتەوە بۆ ڕۆژهەڵاتی ناوەڕاست، ڕاشیگەیاند ئیدارەی نایەوێت جەنگی جیهانی سێیەم هەڵبگیرسێت.

 

لێدوانی فەرمی: مارکۆ ڕوبیۆ وەزیری دەرەوەی ئەمریکا ڕایگەیاند: پابەندین بەو بەڵێنانەی دۆناڵد ترەمپ سەرۆکی ئەمریکا داویەتی، ئەو بەڵێنانەش وڵاتەکەمان دەکاتە لە پێشینەی کارکردنمان و سیاسەتی دەرەوەمان لە خزمەت ئەوەدا دەبێت.

 

لە وتاری دەستبەکاربوونی سەرۆک ترەمپ ئاماژەی بەوەکرد ئامانجی سەرەکی سیاسەتی دەرەوەمان بڵاوکردنەوەی ئاشتییە، دەمانەوێت پارێزگاری بکەین لەم ئەجێندایە بۆ زامین کردنی ئەوەی سەرۆک ترەمپ بەڵێنی پێداوە.

 

باکگراوەند: دۆناڵد ترەمپ پێش ئەوەی دووبارە بچێتەوە کۆشکی سپی دەستێکی باڵای هەبوو لە ڕاگەیاندنی ئاگربەست لەنێوان ئیسرائیل و حەماس، بەڵێنیشیداوە کۆتایی بە جەنگ و ململانێکان لە ڕۆژهەڵاتی ناوەڕاست و ئەوروپا بهێنێت.