مەسرور بارزانی: دەبێت بەغدا مووچە و شایستە داراییەکانی خەڵکی کوردستان بنێرێت

ئاڤا نیوز 

ئەمڕۆ پێنجشەممە 23-1-2025، سەرۆكوەزیران مەسرور بارزانی، لە داڤۆس، لەگەڵ جان نۆوێل بارۆ، وەزیری ئەورووپا و کاروباری دەرەوەی فەڕەنسا کۆ بووەوە.

زانیاریی بەدەستهاتوو: لە کۆبوونەوەکەدا، گفتوگۆ لەبارەی پەرەپێدانی پەیوەنديی دوولایەنە و سەرکەوتنی پرۆسەی هەڵبژاردنی پەرلەمانی کوردستان و هەوڵەکانی پێکهێنانی کابینەی نوێی حکومەت و گرنگیی چارەسەرکردنی کێشەکانی هەرێمی کوردستان و حکومەتی فیدراڵ کرا.

 

لە دیدارەكەدا سەرۆكوەزیران مەسرور بارزانی ئاماژەی بە پەیوەندیی دۆستانەی نێوان فەڕەنسا و هەرێمی کوردستان کرد و سوپاسی پشتیوانیی بەردەوامیی حکومەت و گەلی فەڕەنسای لە گەلی کوردستان کرد.

 

 دووپاتی کردەوە کە هەرێمی کوردستان، ئەرک و پابەندییە دەستوورییەکانی خۆی بە تەواوی جێبەجێ کردووە، بۆیە پێویستە مافەکانی خەڵکی کوردستان پێشێل نەکرێن و دەبێ ڕێز لە قەوارەی دەستووریی هەرێمی کوردستان بگیرێت و مووچە و شایستە داراییەکانی خەڵکی کوردستان بنێردرێت.

 

نوێ دەکرێتەوە...