دوای بەدواداچوونی ئاڤا دەرچووانی کۆلێژەکانی پزیشکی دادەمەزرێن

ئاڤا نیوز

 

دوای بەدواداچوونی ئاڤا لەسەر پرسی دامەزراندنی دەرچووانی کۆلێژی پزیشکیی گشتی، وەزارەتی تەندروستی ڕایگەیاند، دامەزراندنی دەرچووانی پزیشکی لە پرۆسەدایە.

 

چیرۆکی سەرەکی: دەستەی پزیشکانی دانەمەزرا لە هەولێر کە ژمارەیان 273 کەسە، یاداشتنامەیەک ئاڕاستەی ئاڤا میدیا دەکەن و دەڵێن: ئێمە دەرچووانی ساڵی 2024 کۆلیجی پزیشکی گشتین، دوای حەوت مانگ لە دەرچوونمان وەڵامێکی یەکلاکەرەوە لەسەر دامەزراندنمان نەبووە و داوای وەڵامی کۆتایی دەکەین لەسەر دامەزراندنمان.

 

لێدوانی فەرمی: دکتۆر سەرکار سورچی وتەبێژی وەزارەتی تەندروستی، ڕایگەیاند: هەموو دەرچووانی ساڵی 2024ـی کۆلێژەکانی پزیشکی گشتی لە هەرێمی کوردستان  دادەمەزرێن، لە ئێستادا دامەزراندنەکەیان لە پڕۆسە دایە و میلاک تەخسیس دەکرێت. 

 

ئەوەی پێویستە بیزانیت: لە تەواوی هەرێمی کوردستان دەرچووانی ساڵی 2024ـی کۆلێژەکانی پزیشكی گشتی کە ژمارەیان 778 کەسە، دانەمەزراون.