لە شنگال ئێسک و پروسکی مرۆڤ لەنێو تانکییەکی ئاودا دەدۆزرێتەوە

ئاڤا نیوز

پاشماوەی ڕووفاتی چەندین کەس لەنێو تانکییەکی ئاودا لە قەزای شەنگال دەدۆزرێتەوە، بەگوێرەی زانیارییەکان پاشماوەی ڕووفاتەکان بۆ سەردەمی داعش دەگەڕێتەوە.

وێنە گەورەکە: لەدوای ڕزگارکردنی قەزا و ناحییەکانی پارێزگای نەینەوا کە پێشتر ڕێکخراوی داعش کۆنترۆڵی کردبوون، تائێستا چەندین گۆڕی بەکۆمەڵ لە هەردوو قەزای شنگاڵ و تەلەعفەر دۆزراونەتەوە.

ڕاگەیێنراوی فەرمی: ڕێکخراوی پتریکۆر بۆ مافەکانی مرۆڤ ڕایگەیاند:

لە کۆمەڵگەی تەل بەنات لە قەزای شەنگال پاشماوەی ڕووفاتی چەندین کەسمان لەنێو تانکییەکی ئاودا دۆزییەوە و پێدەچێت مێژووەکەی بۆ سەردەمی چەکدارانی داعش بگەڕێتەوە کە دەستی بەسەر قەزاکەدا گرتبوو.

- ڕێکخراوەکە ئاماژەی بەوەشکرد، پشکنینی پێویست بۆ ئێسک و پروسکی ڕوفاتەکان کراوە و ڕەوانەی لایەنی پەیوەندیدار کراوە بۆ ئاشکراکردنی ناسنامەکانیان.