لە مزگەوتێکی هەولێر شوێنی تایبەت بە وتاری هەینی نابیستان کرایەوە

ئاڤا نیوز

 

لە مزگەوتی ڕەوزەی شەریف لە شاری هەولێر، شوێنێکی تایبەت بۆ نابیستان دابین کراوە و لە ڕۆژانی هەینی وەرگێڕی زمانی ئاماژە وتاری هەینی بۆ نابیستان وەردەگێڕێتە سەر زمانی ئاماژە.

 

وێنە گەورەکە: لە یەکەم وتاری هەینی کە بە وەرگێڕانی زمانی ئاماژە پێشکەشکرا، ژمارەیەکی زۆر لە نابیستانی هەولێر و دەوروبەری ئامادەبوون و بە دڵخۆشییەوە ڕوویان لەو مزگەوتە کردبوو. 

 

زانیاریی زیاتر: شوێنێکی تایبەت بۆ کەسانی نابیست جیاکراوەتەوە، تەواوی وتاری هەینی و هەرچی زیکر و دوعا لەلایەن مامۆستای وتارخوێن دەگوترێت، لەلایەن وەرگێڕی زمانی ئاماژە بۆ کەسانی نابیست وەردەگێڕدرێتە سەر زمانی ئاماژە.