ئەمریكا بیر لە كشانەوەی هێزەكانی لە عێراق بۆ هەرێمی كوردستان دەكاتەوە

ئاڤا نیوز 

واشنتن بیر لە کشانەوەی هێزەکانی خۆی لە عێراقەوە بۆ هەرێمی کوردستان دەکاتەوە، ئەمەش لە چوارچێوەی داواکارییە بەردەوامەکانی بەشێک لە لایەنە سیاسییەکانی عێراق و حکومەت بۆ چوونەدەرەوەی هێزەکانی ئەمریکا دێت.

وێنە گەورەکە: پێدەچێت ئەمریکا زۆربەی هێزەکانی خۆی لە عێراق بۆ هەرێمی کوردستان بگوازێتەوە، پەیمانگەی واشنتن بۆ سیاسەتی رۆژهەڵاتی نزیک لە ڕاپۆرتێکدا ئەمە دەڵێت.

زانیاريی زیاتر: هێزەکانی ئەمریکا لە هەرێمی کوردستان وەک ئەڵقەیەکی سەرەکی لە پاڵپشتی لۆجستی بۆ هێزەکانی هاوپەیمانان لە دژی داعش لە سووریا کاردەکەن، ئێستا لە شاری بەغدا، سەڵاحەددین و بنکەی عەین ئەسەد لە ئەنبار هێزی ئەمریکی هەن، ئەوانەشی لە هەرێمی کوردستانن، زیاتر ڕاهێنەران و ڕاوێژکارانی سەربازین.

بۆچی گرنگە: تائێستا هەرێمی کوردستان داوای کشانەوەی هێزەکانی ئەمریکای نەکردووە، مانەوەی هێزەکانی ئەمریکاش گرەنتی زیاترە بۆ ئارامیی و ئاسایشی هەرێمی کوردستان.