سەرۆك بارزانی: لەدەستدانی د. دەشتی دزەیی خەسارەتێکی گەورەیە

کوردستان
2025-01-25

شەیری بکە لە:

سەرۆك بارزانی: لەدەستدانی د. دەشتی دزەیی خەسارەتێکی گەورەیە

ئاڤا نیوز

بەهۆی کۆچی دوایی دكتۆر دەشتی دزەیی، سەرۆک بارزانی پەیامێکی سەرەخۆشیی ئاراستەی خانەوادە و كەسوكار و دۆستان و هاوكارانی و سەرجەم پزیشكانی كوردستان کرد و دەڵێت، لەدەستدانی خەسارەتێكی گەورەیە.

وێنە گەورەکە: بەیانی ئەمڕۆ 25-1-2025، دكتۆر دەشتی دزەیی، پزیشك و کەسایەتیی ناسراوی كوردستان دوای ماوەیەكی زۆر ململانێ لەگەڵ نەخۆشیی، لە تەمەنی 80 ساڵیدا كۆچی دوایی كرد.

ڕاگەیێنراوی فەرمی: سەرۆک بارزانی ڕایگەیاند:

- د. دەشتی دزەیی بەشی زۆری تەمەنی خۆی بۆ خزمەتكردنی بواری ئاكادیمی و پزیشكیی كوردستان و یارمەتیدان و چارەسەركردنی نەخۆشەكان خەرج كردووە، لە هەمانكاتیشدا كەسایەتییەكی نیشتیمانپەروەر و پەرۆشی تەندروستیی هاووڵاتیان بوو و پێگەیەكی بەرزی لە ناوەندە زانستی و پزیشكی و جەماوەرییەكاندا هەبوو، لەدەستدانی خەسارەتێكی گەورەیە.

- پرسە و سەرخۆشیی خۆم ئاراستەی خانەوادە و كەسوكار و دۆستان و هاوكارانی خواڵێخۆشبوو دكتۆر دەشتی دزەیی و سەرجەم پزیشكانی كوردستان دەكەم و خۆم بە هاوبەشی خەمیان دەزانم.

- لە خودای گەورە داواكارم گیانی خوالێخۆشبوو دكتۆر دەشتی دزەیی بە بەهەشتی بەرین شاد بكات و سەبر و ئارامی بە هەموو لایەك ببەخشێت.

باکگراوند: پرۆفیسۆر د. دەشتی دزەیی لە 8-5-1945 لە هەولێر لەدایك بووە، ساڵی 1969 كۆلێژی پزیشكی لە زانكۆی مووسڵ تەواوكردووە، ڕاوێژكاری نەخۆشییەكانی هەناو، دامەزرێنەری زانكۆی هەولێری پزیشكییە، جگە لە خزمەتی پیشەیی و ئەكادیمی، چەندین نەوەی پسپۆڕی پزیشكی بۆ كوردستان پێگەیاندووە.