ترەمپ: دوورگەی گرینلاند دەخەینە ژێر کۆنترۆڵی ئەمریکا

ئاڤا نیوز

 

دۆناڵد ترەمپ، سەرۆکی ئەمریکا ڕایگەیاند، بە دڵنیایەوە ئەمریکا دوورگەی گرینلاند بەدەست دەهێنێت کە لە ئێستادا سەر بە دانیمارکە.

 

ڕاگەیێنراوی فەرمی: کۆشکی سپی لە زاری دۆناڵد ترەمپەوە ڕایگەیاند: دەتوانین کێشەی گرینلاند چارەسەر بکەین و ئەمریکا توانای ئەنجامدانی ئەوەی هەیە، چونکە خەڵکی گرینلاندیش دەیانەوێت لەگەڵمان بن و بێگومان بەدەستی دەهێنین.

 

دۆناڵد ترەمپ، دەشڵێت، دەمانەوێت گەرەنتی ئازادی لە جیهان بکەین چونکە دڵنیاین دانیمارک ناتوانێت ئەو کارە بکات، تەنیا بۆ بەرژەوەندی ئەمریکا نییە، بەڵکو بۆ پاراستنی جیهانە.

 

باکگراوند: ترەمپ لە ساڵی 2019 ئەو کاتەی بۆ یەکەم خول سەرۆکی ئەمریکا بوو، هەوڵ دەدات ئەو دوورگەیە بکرێت و ببێتە بەشێک لە ئەمریکا، لەم خولەشدا هەڕەشەی توندی لە بەرپرسانی دانیمارک کردووە بۆ کۆنترۆڵکردنی دوورگەکە لەلایەن ئەمریکاوە.