ڕوانگەی سووری: 492 کەس لە دەورووبەری بەنداوی تشرین کوژراون

ئاڤا نیوز

 

سەرەڕای ناردنی هاووڵاتیان وەک قەڵغانی مرۆیی بۆ پاراستنی بەنداوی تشرین، بەڵام تورکیا و گرووپە چەکدارەکانی نزیک لەو وڵاتە، لە هێرشەکانیان بۆ سەر بەنداوەکە بەردەوامن و بەهۆیەوە تائێستا سەدان  کوژراو و بریندار هەن.

 

ڕاگەیێندراوی فەرمی: بەپێی ڕاگەیێندراوێکی ڕوانگەی سووری بۆ مافەکانی مرۆڤ لە 12-12- 2024ـەوە  و بە چەند ڕۆژێک دوای ڕووخانی دەسەڵاتی بەشار ئەسەد لە سووریا، هێرشی گرووپە چەکدارەکانی نزیک لە تورکیا بۆ سەر هێزەکانی هەسەدە لە بەنداوی تشرین دەستیپێکردووە و تاوەکو ئێستا 492 کەس کوژراون.

 

ژمارەکان وادەڵێن: ئاماری کوژراوانی هێزەکانی هەسەدە و گرووپە چەکدارەکان و هاووڵاتیانی مەدەنی بەمشێوەیە:

 

- 53 هاووڵاتی مەدەنی کوژراون لە نێوانیاندا حەوت ژن و چوار منداڵ هەن.
- 363 کەس لە گرووپە چەکدارەکانی نزیک لە تورکیا کوژراون.
- 76 ئەندامی هێزەکانی هەسەدە کوژراون.