بڕیارێکی نوێ لەبارەی مامۆستایانی خانەنشین دەردەکرێت

ئاڤا نیوز

 

وەزارەتی پەروەردەی حکومەتی هەرێمی کوردستان، کار بۆ ئەوە دەکات ئەو مامۆستا و سەرپەرشتیارانەی کە خانەنشینی دەیانگرێتەوە تا کۆتایی دەوامی ئەمساڵی خوێندن لە ئەرکی پەروەردەیی بەردەوام بن.

 

وێنە گەورەکە: ڕۆژی 15-1-2025، لە کۆبوونەوەی ئەنجوومەنی وەزیرانی هەرێمی کوردستان، بڕیاردرا هەر کەسێک بەگوێرەی ڕۆژ و مانگی لە دایکبوونی تەمەنی گەیشتبێتە 60 ساڵ خانەنشین دەکرێت بەهۆیەوە ژمارەیەکی زۆر لە مامۆستایان و سەرپەرشتیارانی پەروەردەیی خانەنشین دەبن.

 

لێدوانی فەرمی: ئالان حەمە سەعید، وەزیری پەروەردەی هەرێمی کوردستان گوتی: "بۆ ئەوەی بۆشایی لە ناوەندەکانی خوێندن دروست نەبێت، داوامان لە ئەنجوومەنی وەزیران کردووە ئەو مامۆستا و سەرپەرشتیارانەی پەروەردەیی کە خانەنشینی دەیانگرێتەوە، تا کۆتایی دەوامی ئەمساڵی خوێندن بەردەوام بن لە بەرامبەردا پاداشتی ماندووبوونی ئەو ماوەیان بۆ خەرج بکرێت."

 

وەزیری پەروەردە گوتی: ئەنجوومەنی وەزیران، ڕەزامەندی سەرەتایی لەسەرئەم داواکارییە داوە، بەڵام ئێمە چاوەڕێین بە فەرمی بڕیارەکە دەربکرێت، دواتر ئێمە کاری لەسەر دەکەین.

 

ژمارەکان وادەڵێن: ئەمساڵ لە 1/1/2025 تا 31/5/2025 لە وەزارەتی پەروەردە، 5534 مامۆستا و سەرپەرشتی پەروەردەیی خانەنشینی دەیانگرێتەوە.