دوو کەس لە خەبات 80 ملیۆن دینار و 28 هەزار دۆلار دەدەزن

ئاڤا نیوز 

بەڕێوەبەرایەتیی پۆلیسی پارێزگای هەولێر، دوو تۆمەتباری بە تاوانی دزیکردن دەستگیر کرد، کە دزییەکان پارە و زێڕ و چەک بووە.

چیرۆکی سەرەکی: دوو کەس لە سنووری قەزای خەباتی سەر بە پارێزگای هەولێر، هەڵسابوون بە ئەنجامدانی دوو تاوانی دزیکردن، لەلایەک بڕی 80 ملیۆن دینار 28 هەزار دۆلار و دەمانچەیەک و بڕێک پارەی ئێرانییان دزیبوو، هاوکات لەلایەکی دیکەشەوە بڕی 750 هەزار دینار و 450 دۆلار و بڕێک زێڕیان دزیبوو، لەلایەن پۆلیس دەستگیر کران.

ڕاگەیێنراوی فەرمی: بەڕێوەبەرایەتیی پۆلیسی پارێزگای هەولێر ڕایگەیاند، تۆمەتباران لە سنووری قەزای خەبات هەڵسابوون دوو تاوانی دزیکردن، کە پارەی عێراقی و دۆلار و دەمانچە و زێریان دزیوە، دوای چاودێری و لێکۆلینەوە توانرا تۆمەتبارەکان دەستگیر بکرێن، پەڕاوی لێکۆڵینەوەیان بۆ کراوەتەوە و ڕادەستی دادگا کراون.