شوێنەوارێک لە قەڵای ئاکرێ دەشێوێنرێت

 

ئاڤا نیوز

شوێنەوارێک لە قەڵای ئاکرێ دەشێوێنرێت و لایەنە پەیوەندیدارەکانیش بەدواداچوون دەکەن، بۆ ئاشکراکردنی بکەرانی.

چیرۆکی سەرەکی: شەوی ڕابردوو لەلایەن چەند کەسێکەوە بەشێک لە شوێنەواری قەڵای ئاکرێ شێوێنراوە و مەبەست لەم کارەش دەرهێنانی کەلوپەلی مێژووریی و زێڕ بووە، چونکە قەڵای ئاکرێ شوێنێکی شوێنەواریی و مێژوویی گرنگە و لەسەر ئەم قەڵایەش ژوور و ئەشکەوت و کۆگا بنیاتنراوە.

لێدوانی فەرمی: بەڕێوەبەری شوێنەوار و دەزگا ئەمنییەکانی ناوچەکە سەردانی قەڵاکەیان کردوو و ئاشکرایان کردووە کە خاکەناز و ئاسن بۆ هەڵکۆڵینی شوێنەکە بەکارهاتووە.

لە لایەکی دیکەوە: هەفتەی ڕابردوو پێنج تاوانبار لەسەر هەڵکۆڵینی شوێنێکی شوێنەواریی لەلایەن ئاسایشی ئاکرێ دەستگیرکران.

زانیاری بەدەستهاتوو: بەپێی زانیارییەکانی ئاڤا لەساڵی 2024دا 9 کەیسی تێکدانی شوێنەواریی لە ئاکرێ تۆمارکراوە و لە ئەنجامیشدا نزیکەی 50 کەس دەستگیرکراون.

ئەمەش بزانە: لە سنووری ئاکرێ نزیکەی 700 شوێنی شوێنەواریی و کولتوورین هەن و ئەمەش ناوچەکەی کردووە بە ناوچەیەکی گرنگی گەشتیاریی و کولتووریی.