ئەمریکا بە بڕی 318 ملیار دۆلار چەکی بە ئۆکراینا فرۆشتووە

ئاڤا نیوز

بەپێی  هەواڵێکی  ڕۆژنامەیەکی فەرەنسی، واشنتن بە بڕی  زیاتر  لە 318 ملیار دۆلار چەک و تەقەمەنی بە ئۆکراینا  فرۆشتووە.

زانیاریی بەدەستهاتوو: بەپێی هەواڵێکی ڕۆژنامەی 'وێست فڕانس' ڕێژەی فرۆشتنی چەک و تەقەمەنی و هاوکاریی سەربازی ئەرمریکا بۆ ئۆکراینا لە ساڵی 2024 بەهۆی بەردەوامی شەری ڕووسیا و ئۆکراینا، بە شێوەیەکی بەرچاو زیادی کردووە کە بە سەدان ملیار دۆلار دخەملێندرێت.

ئەوەی پێویستە بیزانیت: ئیدارەی جۆ بایدن، سەرۆکی پێشووی ئەمریکا بەردەوام بوو لە دابینکردنی هاوکاریی سەربازی بۆ ئۆکراینا، بەڵام لەگەڵ دەستبەکاربوونی، دۆناڵد ترەمپ ڕایگەیاند: فرۆشتنی چەک بە ئۆکراینا ئێستا لە ژێر لێکۆڵینەوەدایە.

لەلایەکی دیکەوە: ڕووسیا چەندین جار ئاماژەی بەوە کردووە هاوکارییەکانی ئەمریکا بۆ ئۆکراینا تەنیا خزمەت بە درێژکردنەوەی شەڕ و ململانێی ناوچەکە دەکات.

زانیاریی زیاتر: دوو ڕێگە لە ئەمریکا هەیە بۆ کڕینی چەک، یەکەمیان لە ڕێگەی کۆمپانیاکانی بەرهەمهێنەری چەک لە ساڵی 2024 گەیشتووەتە 157.5 ملیار دۆلار، دووەمیان لە ڕێگەی ئیدارەی ئەمریکاوە کە گەیشتووەتە 117.9 ملیار دۆلار.