ترەمپ لەگەڵ سەرۆکوەزیرانی بەریتانیا تاوتوێی دۆخی غەززە دەکات

ئاڤا نیوز

دۆناڵد ترەمپ، سەرۆکی ئەمریکا و کەیر ستارمەر، سەرۆکوەزیرانی بەریتانیا گفتوگۆیەکی فراوانیان سەبارەت بە غەززە و دۆخی ئابووری ئەنجامدا.

وێنە گەورەکە: دۆناڵد ترەمپ لەگەڵ دەستبەکاربوونی وەک سەرۆکی ئەمریکا، لە نزیکەوە چاودێری دۆخی غەززە دەکات و نوێترین پلانیشی"پاککردنەوە"ـی کەرتی غەززەیە و بۆ ئەم مەبەستەش داوا لە وڵاتانی عەرەبی دەکات، فەڵەستینییەکانی نیشتەجیێی غەززە بگوازنەوە وڵاتەکانیان.

چی ڕوودەدات: لە میانەی پەیوەندییەکی تەلەفۆنی نێوان دۆناڵد ترەمپ، سەرۆکی ئەمریکا و کەیر ستارمەر، سەرۆکوەزیرانی بەریتانیا، هەردوولا ڕێککەوتن کە بەمزووانە کۆببنەوە، هاوکات جەختیش لە گرنگی پێکەوە کارکردن بۆ ئاسایش لە ڕۆژهەڵاتی ناوەڕاست کرایەوە.

زانیاریی بەدەستهاتوو: ستارمەر ستایشی ترەمپی کرد سەبارەت بە ڕۆڵی لە دەستەبەرکردنی ڕێککەوتنی ئاگربەست و ئاڵۆگۆڕی بارمتەکان لە غەززە.

لەلایەکی دیکەوە: هەردوولا باسیان لە هەلومەرجەکان کرد کە بتوانن پەیوەندییە ئابوورییە دوولایەنەکان بەرەوپێشەوە ببەن.