بیڵ گەیتس هۆشداریی بڵاوبوونەوەی پەتایەکی نوێ دەدات

ئاڤا نیوز

بیڵ گەیتس، گەورە ملیاردێری جیهانی و خاوەنی کۆمپانیای مایکرۆسۆفت هۆشداریی دەدات لەوەی کە لە ماوەی چوار ساڵی داهاتوودا پەتایەکی دیکە، هاوشێوەی پەتای کۆڤید19 – کۆرۆنا، بە جیهاندا بڵاو دەبێتەوە.

ئەوەی پێویستە بیزانیت: گەیتس، کە لە داڕشتنی سیاسەتە تەندرووستییە جیهانییەکاندا ڕۆڵێکی گرنگی هەیە، هۆشداری دەدات لەوەی کە جیهان ئامادەی ڕووبەڕووبوونەوەی ئەم پەتا نوێیە نییە و ئەمەش مایەی نیگەرانییەکی زۆرە.

ئەو پێشتریش چەندین جار هاواری ئەوەی لێ هەستاوە کە جیهان ناتوانێت وەک پێویست ڕووبەڕووی پەتاکان ببێتەوە؛ ئەو ناتەباییەکانی جیهان لە ڕووبەڕووبوونەوەی کۆرۆنا بە نموونە دێنێتەوە و دەڵێت جیهان بۆ ڕووبەڕووبوونەوەی بڵاوبوونەوەی نەخۆشیی لەناکاو ئامادە نییە.

لەلایەکی دیکەوە: گەیتس دەڵێت، جیهان بەراورد بە ساڵی 2020 کە کۆرۆنا بڵاو بوویەوە ئامادەترە، بەڵام هێشتا زۆری ماوە بتوانێت بە تەواویی ئامادە بێت و لە ڕاستیشدا هیچ ئامادە نین.

ئەمەش بزانە: ئەو ساڵی 2022 کتێبێکی بە ناونیشانی 'چۆن پێشبینیی پەتای داهاتوو بکەین؟' بڵاو کردەوە و تیایدا داوایکرد سیاسەتی بەهێزتری کەرەنتینە دابڕێژرێت و وەبەرهێنانی زیاتر لە چاودێرییکردنی بڵاوبوونەوەی نەخۆشییەکان و توێژینەوە لە بواری ڤاکسیندا بکرێت.