گەنجە خێرخوازەکەی دهۆک: سینگڵ لە دهۆک ناهێڵـم

ئاڤا نیوز

 

کاروان میسکی، یەکێکە لە گەنجەکانی شاری دهۆک و بە کارە خێرخوازییەکانی ناوبانگێکی زۆری پەیداکردووە، تائێستا ژنی بۆ 30 گەنجی شارەکەی هێناوە و دەڵێت، "سینگڵ لە دهۆک ناهێڵم".

 

چیرۆکی سەرەکی: کاروان میسکی، لە مانگی 5ی ساڵی 2024 پرۆژەیەکی خێرخوازی ڕاگەیاند؛ هەر گەنجێک کەم دەرامەتە و ژنی خواستووە، بەڵام ناتوانێت ژنەکە بگوازێتەوە و ئاهەنگی بۆب کات، کاروان  دەستی هاوکاری بۆ درێژ دەکات و یارمەتیی دارایی دەدات.

 

زانیاریی زیاتر: گەنجە خێرخوازەکەی دهۆکی ڕەنگین لە مانگی پێنجی پار، تاوەکو ئێستا ژنی بۆ  30 گەنجی دهۆک هێناوە، 40 گەنجی دیکەش چاوەڕێن کاروان میسکی شتێکیان بۆ بکات.

 

لێدوانی فەرمی: کاروان میسکی، بۆ یارمەتیدانی زیاتری کەسانی سینگڵ لە شارەکەی داوایەکی لە حکومەت هەیە و دەڵێت، "حکومەت پاڵپشتیم بکات، گەنجی سینگڵ لە دهۆک ناهێڵم". 

 

ئەوەی پێویستە بیزانیت: کاروان میسکی، زۆر دەوڵەمەند نییە، تەنیا ئەوەیە حەز دەکات هاوکاری گەنجان بکات، خۆی ڕێستۆرانتێکی هەیە و لە تەنیشت ڕێستۆرانتەکەی، ئیشی عەقاراتیش دەکات، ئەو گەنجانەی ژنیان بۆ ئەهێنێ هەر خۆی وەکو شێف خواردنی حەفلەکەشیان دروست ئەکات.