بە سپۆنسەری ئاڤا میدیا فێستیڤاڵی پاییزەی پیرمام لە بەنداوی گۆمەسپان بەڕێوەدەچێت

ئاڤا نیوز

بۆیەکەمجار لە بەنداوی گۆمەسپان گەورەترین فێستیڤاڵی پاییزەی پیرمام بەڕێوەدەچێت، ئامانجیش لێی پەرەپێدانی زیاتری كەرتی گەشتیاری و كشتوكاڵییە لە هەرێمی كوردستان.

چیرۆکی سەرەکی: سبەی یەکشەممە 19-10-2025، بە بەشداریی دەیان جووتیاری هەرێمی کوردستان، گەورەترین فێستیڤاڵی پایزە لە سنووری هەولێر ئەنجام دەدرێت و هاووڵاتییان بۆ پشتگیری لە ساغکردنەوە و گرنگیدان بە بەرهەمی ناوخۆیی دەتوانن سەردانی بکەن، هاوکات کاتێکی خۆش لە سرووشتی جوانی ناوچەکە بەسەرببەن. 

لێدوانی فەرمی: عەبدوڵڵا گەردی، بەڕێوەبەری جێبەجێکاری بەنداوی گۆمەسپان و سەرپەرشتیاری فێستیڤاڵەکە بە ئاڤای ڕاگەیاند: ماستەرپلانێکی گەشتیاری بەسەرپەرشتی سەرۆکوەزیران مەسرور بارزانی، ئامادە کراوە تاوەکوو دەورووبەری بەنداوی گۆمەسپان ببێتە ناوەندێکی گەشتیاریی گرنگ.

- چاوەڕوان دەکەین لە ماوەی ئەم پێنج ڕۆژەی فێستیڤاڵەکە، ژمارەیەکی زۆر گەشتیاری ناوخۆیی و بیانیش سەردانی ناوچەکە بکەن. 

- ماستەرپلانی گەشتیاریی بەنداوی گۆمەسپان کەمتر لە سێ ساڵی داهاتوو تەواو دەبێت، کە چەندین پڕۆژەی گەشتیاری ناوازە لەخۆ دەگرێت لەوانە؛ ڕێستۆرانت، شوێنی مانەوە، کافتریا و کەپری گەشتیار.

زانیاریی زیاتر: ئاڤا میدیا سپۆنسەری سەرەکیی فێستڤاڵەکەیە، کە لە ڕۆژی یەکشەممەوە دەستپێدەکات و  ماوەی پێنج ڕۆژ بەردەوام دەبێت.