هەولێر و بەغدا جەخت لە هەماهەنگیی ئەمنی لەنێوانیان دەکەنەوە

ئاڤا نیوز

 

هەردوو وەزیری ناوخۆی هەرێمی کوردستان و حکومەتی فیدراڵ جەخت لە بەرزکردنەوەی ئاستی هاوکاری و هەماهەنگی ئەمنی لە نێوانیان دەکەنەوە.

چیرۆکی سەرەکی: چوارشەممە 29-1-2025 لە بەغدا عەبدولئەمیر شەممەری، وەزیری ناوخۆی عێراق پێشوازی لە ڕێبەر ئەحمەد، وەزیری ناوخۆی حکومەتی هەرێمی کوردستان کرد.

 

ڕاگەیێنراوی فەرمی: وەزارەتی ناوخۆی عێراق ڕایگەیاند: لە کۆبوونەوەکەدا هەردوو وەزیر باسیان لە بەرزکردنەوەی ئاستی هاوکاری و هەماهەنگی هاوبەش و یەکخستنی هەوڵەکان بۆ بەرەنگاربوونەوەی تاوان بە هەموو جۆرەکانییەوە و بەرەوپێشبردنی ئاشتیی کۆمەڵگا کرد.

 

- لەمیانی دیدارەداکەدا کۆمەڵێک بابەتی جێی بایەخی هاوبەش تاوتوێ کران، بەتایبەتی ئەوانەی پەیوەندییان بە کاری هاوبەشی ئەمنی و خزمەتگوزارییەوە هەیە.