ئەحمەد شەرع لەگەڵ ژنەکەی دەردەکەوێت

ئاڤا نیوز

بۆ یەکەمجار ئەحمەد شەرع، فەرماندەی ئیدارەی نوێی سووریا، لەگەڵ هاوژینەکەی دەردەکەوێت، ئەمەش لەمیانی پێشوازیکردنی لە شاندێکی ڕەوەندی ژنانی سووری لە ئەمریکا.

زانیاریی بەدەستهاتوو: بەشێک لەو ژنانەی کە بەشداری کۆبوونەوەکە بوون، ئاماژەیان بەوەکردووە، ئەحمەد شەرع هاوژینەکەی خۆی پێناساندوون کە ناوی لەتیفە شەرعە، زۆر بە ڕێزەوە پێشوازی لێکردووە کە هاتووە بۆلای.

ئەوەی پێویستە بیزانیت: بەگوێرەی شاندی ڕەوەندی ژنانی سووریا لە ئەمریکا، لە کۆبوونەوەکەدا شەرع ئەو دەنگۆیانەی ڕەتکردووەتەوە کە باس لەوە دەکەن سەرۆکی ئیدارەی نوێی سووریا زیاد لە خێزانێکی هەیە و گوتویەتی، "یەک ژنم هەیە و زۆریش خۆشم دەوێت".

 

زانیاریی زیاتر: بەشداربووانی کۆبوونەوەکە وتوویانە، ژنەکەی ئەحمەد شەرع جلوبەرگێکی ئاسایی سووریی لەبەرابووە و موحەجەبە بووە، نیقابی نەپۆشیوە.

لەلایەکی دیکە: ئەو ژنانەی بەشدار بوون، هەندێک پێشنیازیان کردووە بۆ ئەحمەد شەرع، کە ژنان لە پۆستە باڵاکان دابمەزرێنێت، لەبەرامبەردا ئەحمەد شەرع ، "کەسی شیاو لە شوێنی شیاو دادەنێین و جیاوازی ناکەین لەنێوان ژن و پیاو".