حەماس کوژرانی محەممەد زەیف پشتڕاست دەکاتەوە

ئاڤا نیوز 

 

بزووتنەوەی حەماس، کوژرانی محەممەد زەیف، سەرۆکی لیوای ئەرکانی کەتائیبی قەسام، باڵی سەربازی حەماس پشتڕاستکردەوە، لەگەڵ  جێگرەکەی مەڕوان عیسا و چوار فەرماندەی سەربازی دیکە لە بۆردوومانێكی ساڵی ڕابردووی ئیسرائیل لە غەززە کوژراون.

 

چیرۆکی سەرەکی: دوای حەوت مانگ لە بڵاوبوونەوەی دەنگۆی گیان لەدەستدانی محەممەد زەیف، سەرۆک ئەرکانی لیوای کەتائیبی قەسام لەلایەن حەماسەوە پشتڕاستکرایەوە.

 

ڕاگەیێنراوی فەرمی: ئەبو عوبەیدە، گوتەبێژی حەماس ڕایگەیاند، "شەهید بوونی  محەممەد زەیف، سەرۆک ئەرکانی لیوای کەتائیبی قەسام، مەڕوان عیسا، جێگرەکەی، و چەند فەرماندەیەکی دیکەی کەتائیبی قەسام بە ناوەکانی غازی ئەبو تەماعە، فەرماندەی چەک و کەلو پەلی سەربازی، ڕائید سابت، فەماندەی هێزی سەرچاوە مرۆییەکان و ڕافع سەلامە، سەرکردەی لیوای خان یونس ڕادەگەیێنین.

 

باکگراوند: ئیسرائیل لە 1-8-2024 هەواڵی کوژرانی زەیفی لە بۆردوومانێکی 13ی ئەیلوولی 2024 بۆ سەر خێوەتگەیەکی ئاوارەکانی ناوچەی خان یونسی باشووری غەززە بڵاوکردەوە، بەڵام حەماس ڕەتی کردەوە هیج سەرکردەیەکیان لەو هێرشە کوژرابێت.