نزیکەی 274 هەزار فەرمانبەر لەڕێگەی هەژماری من مووچەکانیان وەردەگرن

ئاڤا نیوز 

 

بەپێی دوایین داتای تیمی هەژماری من، 720 هەزار فەرمانبەر خۆیان لە نێو پرۆژەکە تۆمارکردووە و هەنگاوەکانی حکومەت بۆ پێشخستنی ژێرخانی بەدیجتاڵکردن بەردەوامە.

 

وێنە گەورەکە: بە ئامانجی هێنانەکایەی ئاسانکاریی زیاتر بۆ هاووڵاتییان، حکومەت هەرێمی کوردستان بەردەوامە لە پتەوکردنی ژێرخانی بە دیجتاڵیکردن، لەو چوارچێوەیەشدا دەیەوێت سەرجەم مووچەخۆران بە هەژماری من مووچەکانیان وەربگرن و پڕۆسەکە بە شێوەیەکی سەرکەوتووانە بەردەوامە.

 

ڕاگەیێنراوی فەرمی: بەگوێرەی ڕاگەیینراوی وەزارەتی دارایی، لە کۆبووەوەی نێوان شاندی دارایی حکومەتی هەرێمی کوردستان و وەزارەتی دارایی عێراق باس لە بەرەو پێشچوونی کارەکانی پڕۆژەی 'هەژماری من' کراوە، داتا و ژمارەی تۆمارکراوان لە پڕۆژەکەدا خراوەتەڕوو، باس لەوەکراوە ئەم مانگە نزیکەی 274 هەزار فەرمانبەر لەسەرتاسەری هەرێمی کوردستان بەشێوەی دیجیتاڵی مووچەکانیان وەردەگرن.

 

لەلایەکی دیکەوە: لە مووچەی مانگی 11ـی مووچەخۆرانی هەرێمی کوردستان، 219 هەزار مووچەخۆر لەڕێگەی هەژماری من مووچەکانیان وەرگرت، لەو ژمارەیە 37 هەزار و 500 پێشمەرگە، 181 هەزار و 830 فەرمانبەری مەدەنی کە 65 هەزار و 350یان مامۆستان.