حیزبوڵڵای عێراقی بیر لە ئاڵوگۆڕی توێژەرێکی ئیسرائیلی دەکاتەوە

ئاڤا نیوز

 

دوای دوو ساڵ لە دیار نەمانی ئەلیزابێت تسورکۆف، توێژەری ڕووسی-ئیسرائیلیی زانکۆی پرینستۆنی ئەمریکا، ئێستا ئەگەری ئەوە هەیە لە حیزبوڵڵای عێراقی ئامادە بێت لەبەرامبەر ئازادکردنی ژمارەیەک بەندکراوی حیزبوڵڵای لوبنانی ئازادی بکات.

چیرۆکی سەرەکی: تسورکۆف لە 23-3-2023 لە ناوچەی کەڕادە لە بەغدا ڕفێنرا و لەو کاتەوە چارەنووسی نادیارە، هەرچەندە هیچ کەس و لایەنێک بەرپرسیارێتیی ڕفاندنی ئەم ژنە توێژەرەی لە ئەستۆ نەگرتووە، بەڵام ئیسرائیل حیزبوڵڵای عێراقی تۆمەتبار دەکات.

زانیاریی زیاتر: بە گوێرەی چەند سەرچاوەیەک لە بەغدا و بەیرووت پێشنیازێک لە بەردەستە تا تسورکۆف لە بەرامبەر ئازادکردنی ژمارەیەک چەکدارای حیزبوڵڵای لوبنانی کە لەلایەن ئیسرائیلەوە دەستگیرکراون، ئازد بکرێت.

 

لەلایەکی دیکەوە: بە گوێرەی زانیارییەکان حیزبوڵای عێراقی ئامادەیی خۆی بۆ دانوستان لەم بارەوە نیشان داوە، بەڵام ئیسرائیلی هێشتا بە فەرمی ڕەزامەندیی دەرنەبڕیوە.