نرخی ئەمپێری كارەبای موەلیدە ئەهلییەكان بۆ مانگی یەك دیاری كرا

ئاڤا نیوز

نرخی ئەمپێرێك كارەبای موەلیدە ئەهلییەكان لە هەولێر، بۆ مانگی كانوونی دووەم لەنێوان 16 هەزار و 500 دینار تاوەكو 20 هەزار دینار دیاری كرا.

 

لێدوانی فەرمی: خۆران خۆرانی، سەرۆكی ئەنجوومەنی موەلیدە ئەهلییەكان لە هەولێر ڕایگەیاند، تێكڕای كارپێكردنی كاتژمێرەكانی موەلیدەكان بۆ مانگی یەك، ڕۆژانە 14 كاتژمێر بووە و 31 ڕۆژ كاریان كردوە.

ڕوونیشی كردۆتەوە، بەلەبەرچاوگرتنی بەرژەوەندی گشتیی و دۆخی هاووڵاتییان، بۆ یەك كاتژمێر كاركردنی موەلیدە ئەهلییەكان، بڕی 44 دینارمان هەژمار كردووە، ئەوەش دوای هەڵسەنگاندنی خەرجی تێچووی گازوایل، كە لیژنەی تایبەت بە هێنانی گازوایل بۆ یەك لیتر بڕی 590 دیناری هێناوە لە بۆرسەی فرۆشتنی گازوایل، واتە بۆ یەك كاتژمێر كاركردنی موەلیدەكان بڕی 45.5 دینار خەرجكراوە. 

 

ئەوەی پێویستە بیزانیت: نرخی موەلیدەکانی ناو شاری هەولێر و بازاڕ و سنووری پارێزگای هەولێر بەم شێوەیە دیاریكراوە:

- ناوشاری هەولێر: نرخی یەک ئەمپێر لە نێوان (16،500 دینار تاکو 20،000 هەزار دینارە).
- سەنتەری بازاڕ: نرخی یەک ئەمپێر لە نێوان (10،000 هەزار دینار تاوەكو 12،000 دینارە).
- دەوروبەری هەولێر و قەزا و ناحیە و گوندەکان: نرخی یەک ئەمپێر لە نێوان (4،500 دینار تاوەكو 20،000 هەزار دینارە).