ئالوودەبوویەکی ماددەی هۆشبەر دوای 15 ساڵ وازدەهێنێت و قسە بۆ ئاڤا دەکات

ئاڤا نیوز

 

دلگەش شوکری، بۆ ماوەی 15 ساڵ ئالوودەی ماددەی هۆشبەر بوو، ئێستا بە ئیرادەیەکی بەهێز دەستی لێ هەڵگرتووە، بەڵام ڕابردووەکەی بووەتە هۆکار هەلی کاری دەستنەکەوێت. دلگەش داواکارە ئەم کێشەیەی بۆ چارەسەر بکرێت.

 

ئەوەی لەبارەیەوە دەگوترێت: پێشکەفت عەبدولکەریم، چارەسەركاری دەروونی دەڵێت، "کاتێک ئەوانەی ئالوودەی ماددەی هۆشبەر بوون لە چاکسازییەکان دێنە دەرەوە سەنتەر و شوێنی تایبەتمەند نییە، بۆیە پێویستە بەدواداچوون بۆ ئەم بابەتە بکرێت و بۆیە توشی کێشە دەبن، لەوانەش کاریان دەستناکەوێت".

هۆکارە زانراوەکان: هەر ڕزگاربووێک کە داوای هەلی کار دەکات لەلایەن یاساوە داوای پەنجەمۆریان لێ دەکرێت، پەنجەمۆرەیەک وەک کەسێکی تاوانبار پیشاندەدرێت، ئەمەش بە یەکێک لە هۆکارەکان دادەنرێت کە ئەو جۆرە کەسانە کاریان دەستنەکەوێت.

 

زانیاریی زیاتر: بەپێی کۆتا لێکۆڵینەوە کە لە زانکۆی دهۆک کراوە، تەنیا لە سەنتەری شاری دهۆک 173 ئاڵودەبووی ماددەی هۆشبەر هەن، 158 کەس پیاو و 15 کەسی ئافرەتن، 78 کەسیش لە ڕێگەی هاوڕێکانیانەوە توشبوونە.