پزیشکێکی کورد تێچووی دروستکردنی دڵە دەستکردەکەی ئاشکرا دەکات

ئاڤا نیوز

 

پزیشکێکی کورد دڵی دەستکرد دروست دەکات و تێچووکەشی نزیکەی 50 هەزار  دۆلار دەبیت، بە لایەنی کەمەوە پێنج ساڵ کار دەکات و لەڕێگەی موبایلەوە کەسەکە لە حاڵەتی نەخوازراو ئاگەداردەکاتەوە و سیگناڵ بۆ نزیکترین نەخۆشخانە دەنێرێت.

 

وێنە گەورەکە: دڵەکە سەرەتا لەسەر ئاژەڵەکان تاقیکراوەتەوە و سەرکەوتووە بووە، دواتر ڕێکخراوی خۆراک و دەرمانی ئەمریکا (FDA)، ڕەزامەندی لەسەر بەرکارهێنانی داوە بۆ مرۆڤ، هاوکات بە ڕێژەی 100% دەتوانێت وەک دڵێکی ئاسایی کار بکات.

 

لێدوانی فەرمی: د. ئازاد نەجاڕ، پزیشکی بەناوبانگی کورد و داهێنەری دڵی دەستکرد بە ئاڤا میدیای ڕاگەیاند: ماوەی 25 ساڵە کار لەسەر ئەو بیرۆکەیە دەکەین و پێشخراوە، دوای نزیکەی 10 ساڵ چاوەڕوانی، ڕیگە درا بەوەی دڵەکە بۆ مرۆڤ بەکار بهێنین.

 

زانیاریی زیاتر: دڵەکە ناوی REAL HEART و شەش مانگی دەوێت تاوەکو دڵێک دروست دەکرێت، بەڵام کاتێک دەخرێتەوە بازاڕاوە کارەکانی خێراتر دەکرێن، بەمەش بە نزیکەی مانگێک دڵێک دروست دەکرێت.

 

باکگراوند: د. ئازاد نەجاڕ لە ساڵی 1968 لە زاخۆ لە دایکبووە، دەرچووی بەشی پزیشکیی زانکۆی مووسڵە، ماوەی چەندین ساڵە لە وڵاتی سوید دەژیت و خاوەنی داهێنانی پزیشکییە.