دوو مانگە دەروازەی سنووری قائیم لەنێوان عێراق و سووریا داخراوە

ئاڤا نیوز

 

لەدوای کەوتنی دەسەڵاتی بەشار ئەسەد و پێکهێنانی حکومەتێکی ڕاگوزەر بە سەرۆکایەتیی ئەحمەد شەرع، دەروازەی سنووریی قائیم لەنێوان عێراق و سووریا داخراوە و بڕیاری داخستنیشی تاكاتێكی نادیار درێژكرایەوە.

 

وێنە گەورەكە: دوای 8ـی کانوونی یەکەمی 2024، کاتێک هێزی ئۆپۆزسیۆنی سووریا دیمەشقی كۆنتڕۆڵ كرد، زۆرێک لە سەربازانی دەسەڵاتەكەی ئەسەد، لەڕێگەی دەروازەی سنووریی قائیمەوە خۆیان ڕادەستی هێزە ئەمنییەکانی عێراق کرد، دواتر عێراق دەروازەکەی داخست و تاوەکو ئێستا نەکراوەتەوە. 

 

زانیاریی بەدەستهاتوو: بەگوێرەی زانیاریی میدیا عێراقییەكان کە لە سەرچاوەیەکی حکوومەتی فیدراڵی دەستیان کەوتووە، بڕیاربوو لە سەرەتای مانگی شوباتەوە، دەروازەی قائیم بكرێتەوە و هاتووچۆ لە دەروازەكە ئاسایی ببێتەوە، بەڵام كردنەوەی بۆ كاتێكی نادیار دواخرا.