ئیخڵاس دلێمی بۆ ئاڤا: هەمواری یاسای بودجە بۆ گەلی کوردستان سەرەتایەکی باش دەبێت

ئاڤا نیوز

جێگری سەرۆکی لیژنەی دارایی لە پەرلەمانی عێراق ڕایگەیاند، پەسەندکردنی هەمواری یاسای بودجە لە پەرلەمان بۆ گەلی کوردستان سەرەتایەکی باش دەبێت، چونکە چیتر پاساوی حکومەتی عێراق بۆ نەناردن یان دواکەوتنی ناردنی مووچەی فەرمانبەران ناهێڵێت.

چیرۆکی سەرەکی: تشرینی دووەمی ساڵی ڕابردوو، حکومەتی عێراق بڕیاری دا هەناردەی نەوتی هەرێمی کوردستان دەستپێبکاتەوە، بۆ ئەو مەبەستەش ڕەشنووسی هەمواری یاسای بودجەی ڕەوانەی پەرلەمان کرد و بڕیاریدا وەک قۆناغی یەکەم لە دەرهێنان و گواستنەوەی نەوتی کوردستان 16 دۆلار خەرج بکرێت، ئەمڕۆش پەرلەمان هەموارەکەی بە زۆرینەی دەنگ پەسەند کرد.

لێدوانی فەرمی: ئیخڵاس دلێمی، جێگری سەرۆکی لیژنەی دارایی لە پەرلەمانی عێراق بە ئاڤا میدیای ڕاگەیاند، پەسەندکردنی هەمواری یاسای بودجە "سەرەتایەکی باش دەبێت بۆ گەلی کوردستان و دەستپێکی قۆناغێکی نوێ دەبێت لە گفتوگۆکانی نێوان هەردوولا، ئیتر لەمەودوا سۆمۆ نەوتی کوردستان دەفرۆشێت و پاساوی حکومەتی فیدڕاڵیش بۆ ڕادەستنەکردنی نەوت نامێنێت".

بەشێکی دیکە لە قسەکانی ئیخڵاس دلێمی بۆ ئاڤا میدیا:

- پێشتر حکومەتی عێراق داوای داهاتی نەوتی و نانەوتی دەکرد، دوای هەموارەکە نەوتی هەرێمی کوردستان لەڕێگەی کۆمپانیای سۆمۆوە دەفرۆشرێت

- داهاتی نانەوتی لە بنەڕەتدا لە پشکی هەرێمی کوردستان لە بودجە دەبڕدرێت

- دەبێت پاساوی حکومەتی عێراق چی بێت ئەمجارە کە مووچەی مووچەخۆرانی هەرێمی کوردستان نەنێرێت