هاوژینی بنیامین نەتانیاهۆ لێکۆڵینەوەی لەگەڵدا دەکرێت

 

ئاڤا نیوز

بەهۆی بەگژداچوونەوەی نەیارانی هاوسەرەکەی، سارا نەتانیاهۆ هاوسەری سەرۆک وەزیرانی ئیسرائیل لێکۆڵینەوەی لەگەڵدا دەکرێت.

چیرۆکی سەرەکی: لە ساڵی 2019، بنیامین نەتانیاهۆ سەرۆک وەزیرانی ئیسرائیل بە سێ دۆسیەی جیاوازی گەندەڵی داوای یاسایی لەسەر تۆمارکرا، کە دۆسییەکان بریتی بوون لە تۆمەتی بەرتیلدان و ساختەکاری و پێشێلکردنی متمانە لە پۆستەکەیدا.

ئەوەی ئێستا ڕوودەدات: داواکاری گشتی ئیسرائیل دۆسیەی لێکۆڵینەوەی تاوانکاری لە دژی سارا نەتانیاهۆ، هاوسەری بنیامین ناتانیاهۆ سەرۆکوەزیرانی ئیسرائیل، بە گومانی دەستوەردان لە دادگاییکردنی نەیارانی سیاسیی هاوسەرەکەی، ڕاگەیاند.

ڕاگەیێنراوی فەرمی: نوسینگەی یاسایی حکومەتی ئیسرائیل ڕایگەیاند: لەلایەن پۆلیسی ئیسرائیل و بە هەماهەنگی نووسینگەی داواکاری گشتی ئیسرائیل لێکۆڵینەوە لەگەڵ سارا نەتانیاهۆ ئەنجام دەدرێت.

باکگراوند: لە 26ـی کانوونی دووەمدا، گالی بەهاراڤ میارا، داواکاری گشتی ئیسرائیل فەرمانی بە پۆلیس کرد کە لێکۆڵینەوە لە دژی سارا نەتانیاهۆ و کەسانی دیکەی نزیک لە خانمی دووەمی ئیسرائیل بکاتەوە، بەهۆی هەراسانکردنی شایەتحاڵەکان و ڕێگریکردن لە هەنگاوەکانیی ڕەوتی دادگاییکردنی هاوسەرەکەی بنیامین نەتانیاهۆ سەرۆک وەزیرانی ئیسرائیل.