نێچیرڤان بارزانی: لە هەوڵدان بۆ چارەسەرکردنی تەواوی کێشەکان بەردەوام دەبین

ئاڤا نیوز

 

سەرۆکی هەرێمی کوردستان پێشوازی لە هەمواری یاسای بودجەی گشتی فیدراڵی دەکات و دەڵێت: ئومێدەوارین ببێتە سەرەتای چارەسەرکردنی کێشەکانی دیکە و بە زووترین کات هەواڵی دڵخۆشکەری چارەسەری یەکجاری سەرجەم پرسە داراییەکانی هەرێمی کوردستانی بەدوادا بێت. 

 

چیرۆکی سەرەکی:  ڕۆژی یەکشەممە، ئەنجوومەنی نوێنەرانی عێراق بۆ دەنگدان لەسەر هەمواری یاسای بودجەی گشتیی فیدراڵی بۆ ساڵەکانی 2023-2024-2025 کۆبووەوە، کە بڕگەیەکی تایبەت بوو بە پرسی هەناردەکردنەوەی نەوتی هەرێمی کوردستان، دەنگی لەسەردرا. 

 

ڕاگەیێنراوی فەرمی: نێچیرڤان بارزانی، سەرۆکی هەرێمی کوردستان لە پەیامێکدا ڕایگەیاندووە، ده‌ستخۆشى له‌ ئه‌نجوومه‌نى نوێنه‌ران و هه‌موو ئه‌وانه‌ ده‌كه‌ن كه‌ له‌ ئاماده‌كردن و په‌سه‌ندكردني هەمواری یاسایی بودجەدا، به‌شدار بوون.

- سوپاس و پێزانينى تايبه‌تمان بۆ سه‌رۆكوه‌زيران محه‌ممه‌د شياع سوودانى كه‌ هه‌ر له‌ سه‌ره‌تاوه‌ دڵسۆزانه‌ و به‌ گيانێكى نيشتمانى، له‌گه‌ڵ ئێمه‌ هاوكار و يارمه‌تيده‌ر بووه‌ بۆ چاره‌سه‌ركردنى پرسه‌كانى په‌يوه‌ست به‌ بودجه‌ و مووچه‌ و شايسته‌ دارايييه‌كانى هه‌رێمى كوردستان. 

- ده‌ستخۆشى له‌ شاندى دانوستانكار و لايه‌نه‌ په‌يوه‌نديداره‌كانى حكومه‌تى هه‌رێمى كوردستان و حكومه‌تى فيدراڵى عێراق ده‌كه‌ين.

- ئه‌مه‌ هه‌نگاوێكى دروست و ئومێد به‌خشه‌ و بەخێر و به‌رژه‌وه‌نديى ته‌واوى عێراق به‌ هه‌رێمى كوردستانيشه‌وه‌ ده‌گه‌ڕێته‌وه، ئومێده‌وارين ببێته‌ سه‌ره‌تاى چاره‌سه‌ركردنى كێشه‌كانى ديكه‌ و به‌ زووترين كات هه‌واڵى دڵخۆشكه‌رى چاره‌سه‌ربوونى يه‌كجاريى پرسى مووچه‌ و شايسته‌ دارايييه‌كانى هه‌رێمى كوردستانى به‌دوادا بێت‌.

- دووپاتى ده‌كه‌ينه‌وه‌ كه‌ له‌ هه‌وڵدان بۆ چاره‌سه‌ركردنى ته‌واوى كێشه‌كان به‌ ديالۆگ و لێكگه‌يشتن به‌رده‌وام ده‌بين.