سەرۆکوەزیرانی کوردستان پێشانگەی شێوەکاریی ڕەگی لە هەولێر کردەوە

ئاڤا نیوز

لەچوارچێوەی پڕۆژەیەکی هونەری کوردستان فاوندەیشندا، ئێوارەی ئەمڕۆ سەرۆکوەزیران مەسرور بارزانی پێشانگای شێوەکاریی ڕەگی لەسەر قەڵای هەولێر کردەوە. 

چیرۆکی سەرەکی: ئەم پڕۆژە هونەرییەی کوردستان فاوندەیشن تایبەتە بە پێشانگایەکی تایبەت بە ئاشنابوون بە ناسنامەی کورد لە ڕێگەی هونەری ڕەسەن و هاوچەرخەوە.

زانیاریی زیاتر: مەسرور بارزانی لە پێشانگاکەدا خۆی وێنەیەکی ڕەنگ کرد، وێنەکە تابلۆیەکی سیمبولی بوو بۆ پشتێنەی سەوزایی و سەوزکردنی هەولێر، کە چەند ڕۆژێک پێش ئێستاش سەرۆکوەزیران خۆی بەردی بناغەی پشتێنەی سەوزی هەولێری دانا کە بەهۆیەوە هەولێر سەوزتر دەبێت و ژینگەشی پاکتر دەبێتەوە.

- لە تابلۆکەدا نەخشەی شاری هەولێر لەسەر کێشرابوو، بە دوو چڵە دار زەیتوون نەخشەکە دەوردراوە و سەرۆکوەزیران گەڵای دار زیتوونەکە ڕەنگ دەکات.

ئەوەی پێویستە بیزانیت: لەم پێشانگا هونەرییەدا، 21 هونەرمەندی گەنج بەشدارن کە  نوێنەرایەتیی ناوچە جیا جیاکانی هەرێمی کوردستان دەکەن بۆ خستنەڕووی دیدگا و تێڕوانینی هونەریی ناوەزیان بەشدار دەبن.

ئەمەش بزانە: هەر لە پێشانگەکەدا، پرۆگرامێکی ڕاهێنانی هونەریی، بە چاودێریی هونەرمەندی ناوداری کورد "ژیلەمۆ" بەڕێوە دەچێت، کە پرۆگرامەکە ڕێنوێنیکردن، هەماهەنگی و تێڕامانی کولتووریی لەخۆ گرتووە.