شاندی هەرێمی کوردستان و وەزیری سامانە سروشتییەکان کۆدەبنەوە

 

ئاڤا نیوز

بڕیارە ڕۆژی سێشەممە شاندی هەرێمی کوردستان و وەزیری سامانە سروشتییەکان لەسەر وردەکاری و بابەتە تەکنیکییەکانی پەیوەندیدار بە پرسی هەناردەکردنەوەی نەوت کۆببنەوە.

وێنە گەورەکە: ڕۆژی 2025-01-30، شاندێکی باڵای حکومەتی هەرێمی کوردستان، بۆ پرسی مووچە و بودجە و هەناردەکردنەوەی نەوت سەردانی بەغدای کرد، ڕۆژی یەکشەممەش هەموواری بودجە لە پەرلەمانی عێراق پەسەند کرا، کە تێیدا بڕگەیەکی تایبەتە بە هەناردەکردنی نەوتی هەرێمی کوردستان .

لێدوانی فەرمی: پێشەوا هەورامانی، وتەبێژی حکومەتی هەرێمی کوردستان، میوانی هەواڵەکانی کاتژمێر 07:00ـی ئاڤا بوو ڕایگەیاند: ئەمشەو شاندی هەرێمی کوردستان لە بەغداوە دەگەڕێنەوە، ڕۆژی سێشەممە لەسەر پرسی هەناردەکردنەوەی نەوت بە ئامادەبوونی وەزیری سامانە سروشتییەکان گفتوگۆ دەکرێت.

 

زانیاری زیاتر: سەرۆکوەزیران مەسرور بارزانی سەرپەرشتی گفتوگۆکە دەکات، بە زووترین کات دەست بەڕێکارە تەکنیکییەکان دەکرێت، ئەوەی لەسەر حکومەتی هەرێمی کوردستان پێویست بێت ئەنجامی دەدرێت، چونکە نایانەوێ هیچ کێشەیەک بێتە پێشەوە.