بوومەلەرزەیەک ئەندەنووسیای هەژاند

ئاڤا نیوز

 

بەرەبەیانی ئەمڕۆ بوومەلەرزەیەکی بەهێز بە گوڕی 6.2 پلەی ڕێختەر باکووری ئەندەنووسیای هەژاند.

 

زانیاری بەدەستهاتوو: ئاژانسی کەشناسی و بوومەلەرزەزانی ئەندەنووسیا ڕایگەیاند، بوومەلەرزەیەک لە  کاتژمێر 04:45 بەیانی بە گوڕی 6.2 پلە بە پێوەری ڕێختەر دوورگەی دۆی لە پارێزگای مالوکوی باکووری ئەندەنووسیا ڕوویداوە.

 

ئەوەی پێویستە بیزانیت: بەگوێرەی زانیارییە سەرەتاییەکان،  بوومەلەرزەکە لە قوڵایی 105 کیلۆمەتر لە ژێر ڕووی دەریا ڕوویداوە، بەڵام مەترسی ڕوودانی تسۆنامی نییە و تا ئێستا هیچ زانیارییەک لەبارەی زیانە گیانی و ماددیەکانی بوومەلەرزەکە نەخراوەتەڕوو.

 

لەلایەکی دیکەوە: دوو هەفتە لەمەوبەر بەهۆی باران بارینی بەخور و لافاوا داڕمانی زەوی ڕوویداو بەهۆیەوە 16 کەس گیانیان لەدەستدا و هەشت کەسی دیکەش بێسەرو شوێنبوون.