ترەمپ و مەمدانی کۆ دەبنەوە

ئاڤا نیوز

دوای گرژییەکانی نێوانیان، زۆهران مەمدانی، سەرۆک شارەوانی نوێی نیویۆرک، داوای کۆبوونەوەی لەگەڵ ترەمپ کردووە و ترەمپیش بە ئەرێنی وەڵامی داوەتەوە و ڕۆژی هەینی كۆ دەبنەوە.

وێنە گەورەکە: دوای هەڵبژاردنی زۆهران مەمدانی وەک سەرۆک شارەوانی نوێی نیویۆرک، ڕووبەڕووی هەڕەشەکانی ترەمپ بووەوە و سوێندی خواردووە بەرەنگاری کارنامەکەی ببێتەوە، سەڕەڕای ئەم گرژییانە داوای بینینی ترەمپی کردووە.

زانیاریی بەدەستهاتوو: دۆناڵد ترەمپ، سەرۆکی ئەمریکا ڕایگەیاند، سەرۆکی شارەوانی نیویۆرک، زۆهران مەمدانی داوای کۆبوونەوەیەکی کرد،  بڕیارمدا ئەم کۆبوونەوەیە لە ئۆفیسی ئۆڤاڵ لە ڕۆژی هەینی 21 نۆڤەمبەر ئەنجام بدەم.

بۆچی گرنگە: زۆهران مەمدانی وەک کاندیدی دیموکراتەکان و موسڵمانێک کە بە ڕەچەڵەک خەڵكی ئوگەندایە بووەتە سەرۆکی شارەوانیی نیویۆرک کە شاری لەدایکبوونی ترەمپە، بەمەش بووە یەکەم سەرۆک شارەوانیی موسڵمان لە مێژووی نیویۆرکدا.