باڵیۆزخانەی ئەمریکا داوای سزادانی هێرشکەرانی سەر کێڵگەی کۆرمۆر دەکات

ئاڤا نیوز

باڵیۆزخانەی ئەمریکا لە عێراق داوای سزادانی هێرشکەرانی سەر کێڵگەی گازی کۆرمۆر دەکات و بە تووندی سەرکۆنەی هێرشەکە دەکات.

 

چیرۆکی سەرەکی: کاتژمێر 07:05ی خولەکی ئێوارەی یەکشەممە، درۆنێکی بۆمبڕێژکراو ئاراستەی کێڵگەی غازی کۆرمۆر کرا لە سنووری چەمچەماڵ، کە سەرچاوەی سەرەکی دابینکردنی غازی ماڵان و کارەبایە بۆ هەرێمی کوردستان.

 

ڕاگەیێنراوی فەرمی: باڵیۆزخانەی ئەمریکا لە بەغدا، لە تۆڕی کۆمەڵایەتیی "ئێکس" بە توندی سەرکۆنەی هێرشەکەی کرد و داواش لە حکومەتی عێراق دەکات بکەرانی هێرشەکەی سەر گازی کۆرمۆر سزا بدات. 

 

باکگراوند: ئەمساڵ یەکەمجارە کێڵگەکە بۆردوومان بکرێت، بەڵام لە ساڵانی ڕابردوودا چەندینجار بۆردوومان کراوە. مانگی یەکی ساڵی ڕابردوو بە سێ مووشەک کێڵگەکە بۆردوومان کرا و ئاگرێکی گەورەی لێ کەوتەوە، بەهۆیەوە بەرهەمهێننای غازی ماڵان و بەرهەمهێنانی کارەبا لە زۆربەی وێستەگەکان بۆ ماوەیەک وەستا.